Бастакы соруктар — бородуукта тириэрдиитэ, олохтоох бэкээринэни чөлүгэр түһэрии. Маҕаһыын уонна бэкээринэ суоҕа нэһилиэнньэҕэ ыарахаттары үөскэтэр. Онон сөптөөх сорудахтар бэрилиннилэр. Хааччыйыыга дьаһал саҕаланна.
Дьону олохтуур дьиэ уонна сүөһү аһын хааччыйар боппуруостар көрүлүннүлэр. Тутуу уонна тыа хаһаайыстыбатын министиэристибэлэрэ быһаарыы ылаллар. Маны сэргэ бырамыысыланнас бөдөҥ тэрилтэлэрэ көмө оҥороллоругар былаан туруордулар.
Олохтоохтору кытта көрсүһүүгэ уу ааһар сирин үлэтигэр этиилэр учуоттаннылар, манна хайысхалаах биэдэмистибэлэри кытта сиһилии үлэ ыытыллыахтааҕа этилиннэ.
«Хас биирдиигитигэр махтанабын, көрсүһүүгэ кэлэн, бэйэҕит санааҕытын эппиккитигэр. Эһиги этиилэргит сөптөөх быһаарыы ыларга олус суолталаахтар», — диэтэ Дмитрий Садовников.
This post was published on 18.07.2025 10:07 10:07