Бу күннэргэ «Цифровой үөрэхтээһин эйгэтэ» федеральнайдааҕы бырайыак чэрчитинэн Н. И. Афанасьев аатынан Бороҕон орто оскуолатыгар аныгы олох ирдэбилигэр эппиэттиир математика, английскай тыл кабинеттарын үөрүүлээхтик арыйыы буолла.
Бүлүүтээҕи үөрэх управлениетын начальнига Наталья Михайловна Семенова оҕолорго бырайыак туһунан сиһилии кэпсээтэ, Бороҕон оскуолатын дириэктэри үөрэх чааһыгар солбуйааччыта Ирина Михайловна Евсеева цифровой үөрэхтээһин эйгэтин билиһиннэрдэ.
«Бороҕон нэһилиэгэ» МТ специалиһа Колтовская Т.И. үөрэнээччилэри, оскуола коллективын сайдыы таһымын саҥа биэтэгэр киирбиттэринэн итиитик- истиҥник эҕэрдэлээтэ.
Үөрүүлээх тэрээһин Аҕа дойду сэриитин кыттыылааҕа, РСФСР уонна Саха АССР үтүөлээх учуутала, Саха Өрөспүүбүлүкэтин норуодунай учуутала Афанасьев Николай Иванович тылларыгар «Төрүт дойдум Бороҕон» диэн нэһилиэк Гимнинэн түмүктэннэ. Директоры иитэр үлэҕэ солбуйааччы Наталья Прокопьева тэрээһини иилээн-саҕалаан, сатабыллаахтык салайан ыытта.
Суруйда «Олох суола» хаһыат телеграм-ханаала.
This post was published on 13.10.2022 14:33 14:33