Айталина Ивановна Софронова Боотулуу нэһилиэгэр уран тарбахтаах иистэнньэҥинэн биллэр. Кини нарыннык уустаан-ураннаан тикпит киэргэллэрин, симэхтэрин элбэх киһи астына атыылаһан иилинэр, бэлиэ күннэргэ бэлэхтэһэр.
Бу сырыыга сынньалаҥ киинигэр баҕалаах кэрэ аҥардары мунньан, мааны таҥас таһынан иилинэр кулону оҕуруонан тиһэргэ үөрэттэ. Кэлбит эрэ бары аһары астынан, кэрэ киэргэли түөстэригэр иилинэн, үөрэн-көтөн тарҕастылар.
Айталина киһи быһыытынан олус истиҥ, дьоҥҥо сыһыана сымнаҕас уонна өйдөнүмтүө гына быһаарара, аны туттар матырыйаала дэлэгэйэ киһи хайдах да хайҕыан тыла бараммат.
Талааннаах кыыспытыгар инникитин өссө сайдан, идеяларыҥ кэҥээн иһэригэр, дьоҥҥор-сэргэҕэр уопуккуттан атастаһа тураргар баҕарабыт. Дьон махталын өрүү да ыла тураргар.
Боотулууттан Марта Архипова, Үөһээ Бүлүү улууһун телеграм-ханаала.
