Боксер Петр Васильев профессиональнай рингэҕэ алтыс кыайыытын туһунан кэпсээтэ

Саха сириттэн боксер Петр Васильев Москваҕа буолбут «Wild Boxing» профессиональнай рингэҕэ алтыс кыайыытын сурунна.

Васильев техническай нокаутунан иккис рауҥҥа WBA Asia урукку чемпиона Павел Маликовы кыайда. Спорт миниистирэ Леонид Спиридонов пресс-конференция кэмигэр спортсмены эҕэрдэлээтэ, суруйар СИА.

Миниистир эппитинэн, Петр Васильев сахалартан профессиональнай спортка биир бастыҥ. Ол иһин министиэристибэ кинини өйүүр. Боксер аҕата Василий Васильев биллэр спортсмен, кикбоксиҥҥа Европа икки төгүллээх чемпиона, аан дойдуга икки төгүллээх чемпион.

Сиһилии https://ysia.ru/yakutskij-bokser-petr-vasilev-rasskazal-o-svoej-shestoj-pobede-v-professionalnom-ringe/