Ленинград фашистар блокадаларыттан толору босхоломмут күнүн иннинэ Санкт-Петербурга «Россия – Моя история» музей-быыстапка киинигэр «Благодарный Ленинград» XI өйдөбүнньүк акцията буолла. Тэрээһиҥҥэ блокадалаах Ленинград олохтоохторо, кинилэр удьуордара, бэтэрээннэр уонна эдэр дьон сэрии сылларыгар эвакуацияламмыт Ленинград олохтоохторугар истиҥник сыһыаннаспыт, дьиэ-уот, ас-үөл, үлэ биэрбит куораттарга, регионнарга уонна дойдуларга махталларын биллэрдилэр. Тэрийээччилэринэн “Мирные люди” социальнай көҕүлээһиннэр пуондалара, «Жители блокадного Ленинграда» уопсастыба уонна «Мастер-класс» култуураны өйүүр пуонда буоллулар.
XI акция Саха сиригэр, Бурятияҕа, Карелияҕа, Комига, Ханты-Мансийскай автономнай уокурукка уонна Монголияҕа ананна. Тэрээһини сүрүннээн тыйаатыр уонна киинэ биллиилээх артыыстара Андрей Ургант уонна Анна Загребнева ыыттылар.
“«Благодарный Ленинград» аахсыйа — ахтан ааһыы тэрээһинэ эрэ буолбатах, бу биһиги кэлэр көлүөнэлэргэ уопсай кэс тылбыт. Оччолордооҕу ыар кэм туһунан уопсай өйдөбүнньүк, төрөөбүт дьоммут дьылҕаларыгар уопсай дьыалалар биһиэхэ уонна оҕолорбутугар бэйэ-бэйэҕэ чугас истиҥ сыһыаннаах буолууга көмөлөһүөхтээхтэр», — диэн тэрийээччилэр бэлиэтээтилэр.
Сиһилии манна аах.
