28 Кулун тутар 28.03
  • -12°
  • $ 92,59
  • 100,27

БКЭни 100 баалга суруйбут үөрэнээччилэргэ 15-тии тыһыынчаны төлүөхтэрэ

11:01, 20 июля 2021
Текст:
Читайте нас на
Яндекс Новости
ЯДВ

Биир кэлим эксээмэннэрин 100 баалга суруйбут оскуоланы бүтэрээччилэр 15 тыһыынчаны тутуохтара, оттон учууталлар – 20-лии тыһыынчаны. Бу туһунан Ил Дархан выпускниктары кытары көрсүүһүтүн кэннэ эттэ.


«Эксээмэни туттарыы оскуоланы бүтэрээччигэ сүдү суолталаах. Быйылгы үөрэх дьылыгар Саха сирин үрдүнэн 29 үөрэнээччи БКЭ сүүс баалга суруйда. Кинилэр истэригэр Нерюнгри 1№-дээх гимназиятын үөрэнээччитэ Ангелина Шавейко биология, химия курдук уустук предметтарга сүүстүү баалы ылары ситистэ», — диэн Айсен Николаев бэйэтин инстаграм сирэйигэр суруйда.

Ил Дархан оскуоланы туйгуннук бүтэрээччилэри, кинилэр учууталларын онлайн эҕэрдэлээтэ. «Биллэн турар ситиһии улахан үлэттэн, сыраттан, үөрэххэ тардыһыыттан кэлэр. Хас биирдии сүүс баалга суруйбут выпускник 15 тыһыынчаны, педагогтар 20-лии тыһ ылыахтара», — диэтэ Николаев.

Кини информатикаҕа эксээмэн түмүктэрин ордук күүппүтүн эттэ. Быйыл информатикаҕа эксээмэн бастакытын компьютерынан барбыта. Онуоха түөрт үөрэнээччи сүүс баалга суруйда.

«Кинилэртэн биирдэстэрэ Максим Лаптев, В.М.Ларионов аатынан Физико-техническэй лиссиэй выпускнига. Кини эксээмэҥҥэ бэлэмнэнии улахан суолталааҕын, үөрэнээччилэргэ куттамматтарыгар, бэйэ кыаҕар эрэнэллэригэр, төһө кыалларынан араас күрэхтэргэ кытталларыгар сүбэлиир. Выпускниктар бу ситиһиилэрэ инники кыайыыларга кынаттаатын», — диэтэ Ил Дархан.

Следите за самым важным и интересным в Telegram-канале и WhatsApp-группе ЯСИА