Бүгүн, ыам ыйын 23 күнүгэр, Россия бары регионнарыгар Биир кэлим судаарыстыбаннай эксээмэн сүрүн түһүмэҕэ саҕаланна. Бастакы эксээмэннэр — история, литература уонна химия. Саха сиригэр историяны бүгүн 836 выпускник туттарда, литератураны — 600, химияны — 819. Ол туһунан регион салалтатын пресс-сулууспата суруйда.
«Эксээмэни толорууга ирдэнэр усулуобуйаны барытын оҥордубут. Оҕолор үчүгэйдик туттаралларыгар эрэллээхпит. Барыларыгар ситиһиини, үрдүк түмүктэри», – диэтэ үөрэх миниистирэ Нюргуна Соколова.
Барыта ГИА-11 туттарыытыгар 231 пуун бэлэмнэннэ уонна ГИА-9 — 320 пуун. 2748 уопсастыбаннай кэтээн көрөөччү үлэлиэҕэ.
This post was published on 23.05.2025 16:01 16:01