Саха сирин уонна дойду бүтүннүүтүн олохтоохторо саҥа норуот бырагырааматын тэрийиигэ кытталлар, онон “Биир ньыгыл Россия” баартыйа Госдуумаҕа быыбарга кыттыаҕа. Балтараа нэдиэлэ иһигэр номнуо 10 тыһыынчаттан тахса этии хомулунна, нэһилиэнньэ естьрезультат.рф саайтка көхтөөхтүк кыттар.
«Саамай элбэх этиилэр билиҥҥитэ Москваттан, Москва уонна Ростов уобаластарыттан киирдилэр. Көҕүлээһиннэр аҥардара — 25-тэн 45-гэр диэри саастаах олохтоохтортон киирбитэ ордук суолталаах», — диэн баартыйа Генсэбиэтин сэкиритээрэ Владимир Якушев кэпсээтэ.
Этиилэр бары баартыйа бэрэстээтэлэ Дмитрий Медведев саҥа норуот бырагырааматын бэлэмнээһиҥҥэ экспертнэй сэбиэт бастакы мунньаҕар бэлиэтээбит ыҥырыыларыгар сөп түбэһиннэрэн түҥэтилиннилэр. Киирбит көҕүлээһиннэр дойдуга демографическай балаһыанньаны тупсарыыга, оҕолоох ыаллары өйөөһүҥҥэ, үлэ оҥорон таһаарыытын үрдэтиигэ уонна Россия технологическай лидерствотын үөскэтиигэ сыһыаннаахтар.
Саха сиригэр бу блоктарга үлэ өрөспүүбүлүкэ киин куоратыттан саамай ыраах Арктика нэһилиэктэригэр диэри дьон олоҕун уларытар чопчу түмүктэри биэрэр. Региоҥҥа олох бары эйгэтин хабар 18 федеральнай баартыйа бырайыага олоххо киирэр. Норуот бырагырааматын чэрчитинэн социальнай хайысханы тиһигин быспакка өйөөһүн көстөр: саҥа балыыһалар тутуллаллар, сүүһүнэн килэмиэтир суол-иис тардыллар, ити барыта өрөспүүбүлүкэ олохтоохторо бэйэлэрэ бу этиилэри бырагыраамаҕа уурбуттарынан, билигин да итини оҥоруохтарын сөп.
“Дьон бары, сааһыттан тутулуга суох, дойдубут кэскилин тутууга кыттыахтарын баҕараллар”, — диэн Владимир Якушев түмүктээтэ.
This post was published on 11.03.2026 11:03 11:03