Бэс ыйын 1 күнүттэн, «Уһук Илиҥҥи уокурукка сир учаастагын босхо түҥэтии» бырагыраама үлэлээбит кэмиттэн «НаДальнийВосток.РФ» федеральнай информационнай систиэмэҕэ Уһук Илиҥҥи федеральнай уокурук олохтоохторуттан 1000-тан тахса сайаапка киирбит.
Бэс ыйын 7 күнүгэр киэһэ систиэмэҕэ 1056 сайаапка киирбитэ бэлиэтэннэ, биир сайаапка дуогабар түһэрсиитигэр бэлэмнэнэр.
«Бастыкы нэдиэлэҕэ сир учаастагын ылыыга интэриэс баара бэлиэтэннэ», — диэн Уһук Илиҥҥи региоҥҥа киһи хапытаалын сайыннарыыга Агентство сүрүн дириэктэрэ Валентин Тимаков эттэ.
Кини этэринэн,интэриэс өссө да үрдүүр чинчилээх. «Сорохтор өссө да үөрэтэллэр, бастакылары кэтээн көрөллөр, ымпыгын-чымпыгын билсэллэр», — диэн эбэн эттэ Тимаков.
Бэс ыйын 1 күнүттэн сир учаастагын түҥэтии бырагыраамата пилотнай бырайыакка киллэриллибит муниципальнай тэриллиилэргэ үлэлиир. Саха сиригэр Нерюнгри оройуона хабыллар. 2016 сыл алтынньы 1 күнүттэн региоҥҥа олорооччуларга түҥэтии саҕаланыа, оттон 2017 сыл олунньу 1 күнүттэн Россия гражданнарыгар барыларыгар Уһук Илиҥҥи регион аһаҕас территориятыгар сайаапкалаһалларыгар бэриллиэ.
This post was published on 08.06.2016 14:14 14:14