Саха сиригэр бүгүҥҥү күҥҥэ 5 тыһ. км кэриҥэ кыһыҥҥы суол арылынна. Бу өрөспүүбүлүкэ суолларын баһыйар улахан аҥара, диэн СИА-ҕа тырааныспар уонна суол хаһаайыстыбатын министиэристибэтин пресс-сулууспата иһитиннэрэр.
«Бүлүү» федеральнайдааҕы суолга мууһунан туоруур түөрт суол аһаҕас, «Халымаҕа» Алдан өрүһүнэн айан 20 туоннаҕа диэри көҥүлэннэ. Хатас – Павловск хайысханан мууһунан туоруур суол 20 туоннаҕа диэри арылынна, 30 тн диэри көҥүл бэриллиитэ ахсынньы 30 күнүгэр былааннанар.
«Эдьигээн» кыһыҥҥы суолга Бүлүүттэн Эдьигээҥҥэ диэри 20 туоннаҕа диэри көҥүллэннэ. 30 тн 2020 сыл тохсунньу 10 күнүн кэннэ арыллара суоттанар.
Мууһунан туоруур уонна кыһыҥҥы суоллар анал кыраапык быһыытынан көҥүллэнэллэр. Суоппардар, айанньыттар болҕомтолоохтук сылдьаргытыгар министиэристибэ сүбэлиир.
This post was published on 28.12.2019 09:28 09:28