Бүтүн Арассыыйатааҕы биэрэпис сүрүн түһүмэҕэ атырдьах ыйын 23 күнүттэн балаҕан ыйын 30 күнүгэр диэри барыа. Ыраах сытар сирдэргэ муус устар 1 күнүттэн ахсынньы 20-гэр диэри салҕаныа. Бу туһунан «Российская газета».
Биллэрин курдук биэрэпис былырыын алтынньыга былааннаммыта, ол эрэн пандемиянан сибээстээн бу сыл муус устар ыйыгар көспүтэ. Алтынньыга ыраах сытар сирдэргэ ыытыллыбыт биэрэпис 50 тыһ киһини хаппыт. Олунньу саҕаланыыта Росстат биэрэпиһи хос балаҕан ыйыгар көһөрөрүн туһунан иһитиннэрбитэ. Ол аата барыллаан түмүктэр 2022 сыл саҕаланыытыгар, ортотугар биллиэхтэрэ.
Быйылгы биэрэпиһи ыытыллар кэмин күүппэккэ Госуслуга порталыгар эбэтэр МФЦга барыахха сөп.
Өссө биир уратынан биэрэпиһи лиискэ буолбакка быһа планшекка толоруохтара. Эрэгийиэннэргэ 360 тыһыынча планшет тиэрдиллибит. Ылыллыбыт сибидиэнньэ быһа статистиктар баазаларыгар түмүллүө уонна түргэнник ырытыллыа.
