Дьокуускайдааҕы тыа хаһаайыстыбатын техникумугар биэнсийэҕэ тахсаары сылдьар дьон анал идэлэргэ үөрэниэхтэрин сөп. Сорохтор «нуултан» саҕалыахтара, ким эрэ квалификацияны үрдэтиэ. Бу туһунан СИА-ҕа орто үөрэх тэрилтэтин пресс-сулууспата иһитиннэрдэ.
Дьокуускайдааҕы тыа хаһаайыстыбатын техникум элбэх функциялаах киинигэр «Тракторист-машинист сельскохозяйственного производства», «Слесарь по ремонту сельскохозяйственных машин и оборудования», «Микробиологические исследования в ветеринарии», «Ветеринарно-санитарная экспертиза продуктов и сырья животного происхождения», «Диагностирование двигателя Д-260, трактора МТЗ-2022» диэн олус наадалаах, дьон интэриэһин тардар идэлэргэ үөрэниэххэ сөп.
Тракторист-машинист уонна слесарь идэтигэр үөрэнии босхо, 11 кылаас кэннэ. Лабораннар — квалификацияны үрдэтии буолар, онон бу эйгэҕэ үлэлиир дьону эрэ ылаллар.
Балаҕан ыйын 16 күнүттэн «Тракторист-машинист сельскохозяйственного производства» уонна «Ветеринарно-санитарная экспертиза продуктов и сырья животного происхождения» саҕаланна.
This post was published on 25.09.2019 15:31 15:31