26 Балаҕан ыйа 26.09
  • 19°
  • $ 73,19
  • 86,89

Бэс ыйын 19 күнэ. Бүгүн былыты кэтээн көрөбүт - Бикипиэдьийэ

09:00, 19 июня 2020
Текст:

Бэс ыйын 19 күнүгэр Россия олохтоохторо өссө биир интэриэһинэй бырааһынньыгы бэлиэтииллэр — Былыты кэтээн көрүү күнэ. «Норуокка биллэр күн олус сэргэх уонна киһи сүргэтин көтөҕөр. Сүрүн сыала – киһи айылҕаны кытта алтыһыыта. Күннээҕи кыһалҕаны умнан, үтүөнү-кэрэни кэрэһэлииллэр диэн суруйаллар. Сорохтор былыт көрүҥүнэн, быһыытынан ыйытыыларыгар эппиэттэри көрдүүллэр диэн эмиэ этэллэр«, — суруллар Россия бырааһынньыктарын халандаарыгар.


🔹1809 — Финляндия Швецияттан арахсан Арассыыйа састаабыгар көспүтүн кэннэ ыҥырыллыбыт сейм (түмэн) Финляндияны Арассыыйа иһигэр киэҥ автономиялаах судаарыстыбанан биллэрбит. Ыраахтааҕы Александр I ол туһунан манифест таһаарбыт. Сейм дьокутааттара ыраахтааҕыга андаҕайбыттар.

🔹1862 — АХШ Кэнгириэһэ кулуттааһыны боппут. Бу кэмҥэ гражданскай сэрии хайыы-үйэ буола турара.

🔹1917 — Аан дойду бастакы сэриитин кэмигэр Улуу Британия хоруола Георг V бэйэтин кэргэттэрин ааттарыттан ниэмэстии титуллары суох гынарга ыйаах таһаарбыт. Инньэ гынан хоруол династиятын аата Саксен-Кобург-Гота оннугар Виндзор буолбута.

🔹1947 — Верхоянскай куорат суруксутун уола устуорук учуонай Афанасий Новгородов Тыл, литератуура уонна устуоруйа институутун дириэктэрэ буолбут.

🔹1960 — Тустуук, хапсаҕайга икки төгүллээх өрөспүүбүлүкэ чөмпүйүөнэ Үөгэн нэһилиэгиттэн төрүттээх Михаил Толбонов Томпо оройуонун спартакиадатыгар кыайбыт.

🔹1961 — Кувейт Улуу Британияттан тутулуга суох буолбут.

🔹1992 — Молдавияҕа Бендеры куорат иһин кыргыһыы саҕаламмыт. Биир өттүттэн Приднестровьены тутулуга суох гына сатыыр күүстэр, иккис өттүттэн Молдавия бүтүн буоларын туруулаһааччылар кыргыспыттар. Приднестровье өттүттэн генерал Лебедь салайааччылаах ССРС 14-с аармыйатын чаастара кыттыбыттара. Бу баччааҥҥа диэри сүгүн чинчиллибэтэх кыргыһыы кэмигэр Лебедь өстөөҕө Костенко диэн, кинини кытта Афганистааҥҥа сулууспалаабыт эппиһиэр, биллибэт быһыыга-майгыга өлбүтэ (Лебедь Афганистааҥҥа «договорной» кишлак дьонун ытыалаабытын иһин Костенко кинини кырбаабыта биллэр).

🔹1998 — Саха дьахталларыттан бастакы гроссмейстер Александра Бурнашева сүүс харахтаах дуобакка дьахталларга Арассыыйа чөмпүйүөнэ буолбут.

Төрөөбүттэр:

🔸1908 — Павел Мельников (21.07.1994 өлб.) — ирбэт тоҥу чинчийбит геолог, Социалистыы Үлэ Дьоруойа. Бу Петербурга төрөөбүт киһи 1939 сыллаахтан 1988 сыллаахха диэри Саха сиригэр үлэлээбитэ.

Өлбүттэр:

🔹2007 — Михаил Шкулев-Налимскай (3.07.1919 төр.) — тойуксут, олоҥхоһут, Абый улууһун устуоруйатын, уран тылын баайын хомуйааччы, чинчийээччи, толорооччу.

Түүрдэр тустарынан суруйууга бириистээх күрэс түмүктэнэрэ 11 хонук хаалла. Кыттыҥ!

https://sah.wikipedia.org/wiki/Новгородов_Афанасий_Иннокентьевич

https://sah.wikipedia.org/wiki/Бэс_ыйын_19

https://sah.wikipedia.org/wiki/Толбонов_Михаил_Семенович

https://sah.wikipedia.org/wiki/Мельников_Павел_Иванович

https://sah.wikipedia.org/wiki/Шкулев_Михаил_Петрович_(Налимскай)

https://sah.wikipedia.org/wiki/Финляндия

https://sah.wikipedia.org/wiki/Молдова

Комментарии
  • Халан:

    Тойуксут бэйэтин тоҕо Налимскай дэммитэ буолуой?

Комментарии закрыты.

26 сентября 26.09
  • 19°
  • $ 73,19
  • 86,89