Бэс ыйын 16 күнэ. Бикипиэдьийэ Африка оҕолорун туһунан тугу суруйар?

Бэс ыйын 16 күнэ — Африка оҕотун күнэ. «Бу күн Африка дойдуларын оҕолорун кыһалҕаларыгар болҕомто тардаары аан дойдуга 1991 сыллаахтан бэлиэтэнэр күн. Өссө бүгүн Bloomsday (ол аата Блум күнэ) — Ирландия уһулуччулаах суруйааччытын Джеймс Джойсу ахтан ааһаллар. Суруйааччы аатырбыт «Улисс» арамааныгар 1904 сыл бэс ыйын 16 күнүн ойуулаабыта«, — диэн суруйар бикипиэдьийэ дьаһабыла Ньукулай Халан.

🔹1633 — Инквизиция суута Галилео Галилей туһунан быһаарыныы ылыммыт күнэ. Биэс хонон баран бу быһаарыыны бэйэтигэр тиэрдибиттэр.

🔹1865 — Нуучча сэриилэрэ Ташкены ылбыттар.

🔹1903 — «Пепси-кола» диэн аат бэлиэтэммит, «The Ford Motor Company» олохтоммут, Руаль Амундсен Арктикаҕа бастакы эспэдииссийэтэ саҕаламмыт.

🔹1907 — Арассыыйаҕа II Государственнай дуума ыһыллыбыт.

🔹1921 — Аджарскай АССР төрүттэммит.

🔹1974 — Сомалига үрдүк үөрэҕи биир сылга сабан, устудьуоннары дьону ааҕарага-суруйарга үөрэттэрэ ыыппыттар.

🔹1981 — суруйааччы Владимир Войнович «ССРС гражданинын аатын саакка-суукка киллэрэр дьайыытын иһин» сэбиэскэй гражданствотын суох гыммыттар.

🔹2012 — Кытай бастакы тайконавт дьахтара Лю Ян куйаарга көппүт.

Төрөөбүттэр:

🔸1723 — Адам Смит, Британия — бөлүһүөк уонна экэнэмиис. Экэниэмикэҕэ харчы суолтатын дьэҥкэтик арыйан көрдөрбүтэ.

🔸1754 — Салават Юлаев (1800 өлб.), башкиир бэйиэтэ уонна дьоруойа, Емельян Пугачёв атаһа.

🔸1868 — Виктор Курнатовскай — өрөбөлүүссүйэни тэрийээччи, Дьокуускайга көскө сылдьан 1904 сыллаахха Романовка диэн устуоруйаҕа биллибит сэбилэниилээх утарсыыны тэрийбитэ.

🔸1960 — Вера Быганова — Чурапчы Соловьев диэн нэһилиэгиттэн төрүттээх сахалыы тиэрминнэри чинчийэр учуонай, филология билимин хандьыдаата.

Өлбүттэр:

🔹1970 — Григорий Семенов — геолог, Социалистыы Үлэ Дьоруойа. Сунтаар улууһун Хадан нэһилиэгэр төрөөбүтэ. 1957-1969 сс. Саха АССР геологиятын салайбыта.

🔹1989 — Марк Слепцов — Саха АССР норуодунай артыыһа, РСФСР норуодунай артыыһа. 1940 сыллаахха Ньурбаҕа тыйаатыр тэрийбит, үйэтин тухары сыанаҕа сүүстэн тахса оруолу оонньообут киһи.

https://sah.wikipedia.org/wiki/Слепцов_Марк_Дмитриевич

https://sah.wikipedia.org/wiki/Бэс_ыйын_16

https://sah.wikipedia.org/wiki/Адам_Смит

https://sah.wikipedia.org/wiki/Быганова_Вера_Ивановна

https://sah.wikipedia.org/wiki/Семенов_Григорий_Трофимович

https://sah.wikipedia.org/wiki/Курнатовскай_Виктор_Константинович