2021 сыл сайына Россия үгүс регионнарыгар сылаас буолуоҕа. Ити эрээри дойду соҕуруу өттүгэр кураанныаҕа, диэн Россия Гидрометкиинин научнай салайааччыта Роман Вильфанд.
«Вегетационнай сезон — муус устартан балаҕан ыйыгар диэри — дойду үрдүнэн температура нуорма кэриҥэ уонна нуорматтан үрдүк буолуоҕа. Тымныы саас, сайын буолар диэн этиллибэт. Бэс ыйыгар итии, нуорматтан үрдүк, ордук Красноярскай кыраайга уонна Саха сиригэр«, — диэтэ кини ТАСС-ка.
Вильфанд этэринэн, от ыйыгар итии күннэр Россия европейскай чааһын хотугулуу-илин өттүгэр, Уралга, Арҕаа Сибииргэ туруохтара. Атырдьах ыйыгар итии дойду европейскай чааһын илин өттүгэр, Таймыырга, Ямалга уонна Забайкальеҕа күүтүллэр.
Кураан сайын
Вильфанд бэлиэтээбитинэн, Россия европейскай чааһын соҕуруу өттүгэр сайын устата сөҥүү түһүүтэ нуормаҕа тиийбэт. Бэс ыйыгар кураан Красноярскай кыраай хоту өттүн олохтоохторугар биллиэҕэ.
От ыйыгар Иркутскай уобаласка уонна Сибиир соҕуруу-илин өттүгэр, оттон атырдьах ыйыгар Саха сирэ кураанныаҕа.
This post was published on 24.03.2021 15:02 15:02