28 Бэс ыйа 28.06
  • -7°
  • $ 104,68
  • 115,6

Бэс-Күөл нэһилиэгэр быйыл сайын оскуола тутуута саҕаланыаҕа

Саха сиригэр саҥа оскуоланы РФ бэрэсэдьиэнэ Владимир Путин сорудаҕынан тутуохтара, диэн СИА-ҕа Саха сирин баһылыгын уонна бырабыыталыстыбатын пресс-сулууспата иһитиннэрэр.

Былырыын сайын айылҕа уоттан эмсэҕэлээбит Бэс-Күөл нэһилиэгин үөрэнээччилэригэр 150 миэстэлээх саҥа оскуола тутуллуоҕа. Бу күннэргэ бэдэрээтчити быһаарбыттар, онон тутуу үлэтэ бу сайын саҕаланыахтаах.
«Бэс-Күөл оҕолоругар хаачыстыбалаах уонна аныгылыы үөрэҕи ылар кыахтаналларыгар усулуобуйа тэриллэрэ улахан суолталаах. Бэс-Күөлгэ саҥа оскуоланы тутуу биһиги уопсай эппиэтинэспит. Үлэ хаачыстыбалаахтык уонна графикы быһыытынан толоруллуохтаах», — диэтэ өрөспүүбүлүкэ баһылыга Айсен Николаев.

Оскуола тутуутун 2023 сыл бүтүөр диэри түмүктүүллэрэ былааннанар. Оскуола миэбэлинэн уонна үөрэтэр-лабораторнай оборудованиенан, көмпүүтэрдэринэн, интерактивнай дуоскаларынан толору хааччыллыахтаах .

«Үлэ оҥорор дуогабары ООО «Союз» тэрилтэтин кытары түһэристилэр. Тех задание быһыытынан, саҥа 150 миэстэлээх икки этээстээх таас дьиэҕэ — үөрэх кылаастара, лаборантскайдар уонна мастарыскыайдар, аактабай уонна спортивнай саалалар, ас астыыр сирдээх остолобуой, ону тэҥэ медкабинет уонна административнай кабинеттар баар буолуохтара. Оскуоланы «Под ключ» диэн бырагырааманан туттарыахтара», — диэн СӨ судаарыстыбыннай сакаасчытын сулууспатын генеральнай дириэктэрэ Петр Кушкирин иһитиннэрдэ.

Билигин Бэс-Күөл нэһилиэгин оҕолоро 1982 сыллаах тутуулаах эргэ мас дьиэҕэ үөрэнэллэр. Олохтоох оскуолаҕа барыта 134 оҕо үөрэнэр.
Следите за самым важным и интересным в Telegram-канале и WhatsApp-группе ЯСИА
0
0