Подмосковьеҕа «Бэс Чагда» санаторийга ыам ыйыгар өҥөнү оҥорууга кэҥэтиллибит медицинскай лицензия ылбыттара. Билигин онон саҥа өҥөлөрү оҥоруу алтынньыттан саҕаланыаҕа. Тэрилтэ Саха сирин медицинатын систиэмэтигэр баар.
Санаторийга билигин офтальмология, андрология, урология, онкология, дерматология, дьахтар доруобуйатын көннөрүүгэ өҥөлөр уонна ковид ыарыы кэнниттэн реабилитация оҥоһуллаллар.
Пациент «Бэс Чагдаҕа» эмтэнэн баран өрөспүүбүлүкэ эбэтэр Москва медицинатын тэрилтэтигэр салгыы ыытыллыан сөп.
Алтынньы бүтүүтэ тэрилтэ өрөмүөнэ бүтэр уонна эбии өҥөлөрү оҥорууну саҕалыаҕа. Холобур, Саха сиринээҕи Технопарканы кытта сирэй травматологиятын оҥорууга кэпсэтии барар. Бу туһунан бырабыыталыстыба бэрэссэдээтэлин солбуйааччыта Ольга Балабкина иһитиннэрдэ. Маны сэргэ анал байыаннай дьайыыларга кыттыбыттар реабилитацияланыахтара.
