18 От ыйа 18.07
  • 20°
  • $ 88,09
  • 96,3

Бэрдьигэстээххэ остуол тенниһигэр аһаҕас күрэхтэһии буолла

14:13, 19 октября 2023
Читайте нас на
Яндекс Новости
ЯДВ

Бэрдьигэстээххэ бүгүн Дьокуускайтан СӨ физическэй култууратын уонна спордун адаптивнай киинин остуол тенниһигэр федерациятын уонна Горнай улууһун хамаандатын аһаҕас көрсүһүүлэрэ олус тэрээһиннээхтик ыытылынна.

Бу киин үлэһитэ биир дойдулаахпыт Макар Дьяконов манна кэлбит хамаанда кыттыылаахтара үгүстэрэ, Саха сиригэр бастыҥ көрдөрүүлээхтэрин, Россия таһымыгар күрэхтэһэ барарга бэлэмнэнэ сылдьалларын билиһиннэрдэ.

Бу күрэхтэһии онно эрчиллии, бэйэни холонуу курдук буоларын быһаарда.

Дьахталларга бастакы миэстэни Горнайтан Антонина Максимова, иккис Абыйтан Александра Слепцова, үһүс Алдантан Любовь Тимирдяева буоллулар.

Оттон эр дьоҥҥо 13 киһиттэн кыайыылаахтарынан таҕыстылар: Бастакы Горнайтан Радомир Сидоров, иккис Горнайтан тренер Аркадий Максимов, үһүс Дьокуускайтан Владимир Максимов.

Маннык күрэхтэһиилэр олус туһалаахтарын, ордук олохтоохторго киин сир чулуу спортсменнарын кытта холоһуу сайдарга көмөлөһөрүн астына бэлиэтээтилэр.

Василий Алексеев

Следите за самым важным и интересным в Telegram-канале и WhatsApp-группе ЯСИА
Тутаах тыллар