20 От ыйа 20.07
  • 22°
  • $ 88,02
  • 96,04

Бэрдьигэстээххэ бегонияны сөбүлээн үүннэрэр Марфа Петрова сүбэлиир

16:01, 03 мая 2023
Текст:
Читайте нас на
Яндекс Новости
ЯДВ

Горнай улууһун Бэрдьигэстээх нэһилиэгин олохтооҕо, култуура бэтэрээнэ Марфа Николаевна Петрова дьиэ сибэккитин үлуһүйэн, умсугуйан туран үүннэрэр. Кини сибэкки дьикти, нарын абылаҥар куустаран, кэрэттэн кэрэ дьарыктаах сибэкки үүннэрээччи буолар.

– Сибэккини, дьэ, сөбүлээн таптаан үүннэрэбин. Ордук сибэккитэ өр тураллары олордобун. Ол курдук бегониялар сортарын олордубутум 10-ча сыл буолла, клубеннары уонна сиэмэнэн олордооччубун. Биэс сылтан бэттэх бегония «Элеатора» сордун сөбүлээн олордобун.

Биэс сыллааҕыта Даниловтар ааттарынан Духуобунас киинэ сибэкки олордооччуларга күрэх ыыппытыгар кыайыылаах буолан, Дьокуускай куоракка «Зеленый рай» сибэкки маҕаһыыныттан сертификат биэрбиттэрэ. Маҕаһыынтан бегониялары ылбытым, сылын аайы «уктаан» саҥардан олордобун.

Бегония герань, катарантус, глоксиния араас көрүҥнэрэ уонна мас буолар үүнээйилэр араастара алаһа дьиэбин киэргэтэллэр.

Сибэккини бүөбэйдииргэ кистэлэҥнэрбиттэн үллэстэр буоллахха, сибэккилиир үүнээйилэрбин кыра иһиккэ олордобун, оччоҕо сибэккитэ хойуу буолар. Бегониялары, глоксиниялары уутун кыра-кыратык кырыс буора арыый куурбутун кэннэ кутааччыбын, ыйга биирдэ кыра саахардаах уунан уонна 1 -2-тэ НВ-101 уоҕурдуунан эбии аһатабын.

Миэстэлэрин хамсаппаппын, бегония да глоксиния да миэстэтин хамсатары сөбүлээбэттэр.
Итиэннэ хас биирдии тыынар тыыннаахха болҕомто уурар, таптыы-хайгыы сылдьар оруола муҥура суох. Үүнээйигэр болҕомтону ууран, куруук кэпсэтэ сылдьыахха наада.

Ааптар: Айталина Санникова, Горнай улууһа

Петрова М.Н. бэйэттин хаартыскалара

Следите за самым важным и интересным в Telegram-канале и WhatsApp-группе ЯСИА
Тутаах тыллар