Дьокуускай куоракка Бекетов пааматынньыгын таһыгар 35 саастаах дьахтар өлүгэ көстүбүтэ. Силиэстийэлиир кэмитиэт Саха сиринээҕи управлениета билигин быһылааны бэрэбиэркэлии сылдьар.
Моойугар быалаах, ыйаммыт дьахтар өлүгүн от ыйын 9 күнүгэр 16 ч. 40 мүн. булбуттара.
Сорох бэчээккэ дьахтар өлүөн иннинэ сурук хаалларбытын, ону быраабы араҥаччылыыр уорганнар кини атын малын-салын кытта ылбыттар диэн тахсыбыт. Ону силиэстийэлиир управление официальнайдык утарар.
Силиэстийэ управлениетын салайааччытын көмөлөһөөччү Надежда Дворцкая этэринэн, билигин дьахтары өлүүгэ тиэрдибит быһыыны-майгыны силиэдэбэтэллэр үөрэтэллэр, суут-медицина экспертизата өлүү дьиҥнээх төрүөтүн быһаарыаҕа.
This post was published on 11.07.2016 12:52 12:52