«Сахамедиа» холдинг «Сүрүн ыйытык» мультимедийнай бырайыак иккис таһаарыытыгар анаан ыйытыктары хомуйар. Биэрии ыытааччыта холдинг генеральнай дириэктэрэ Кирилл Алексеев.
Аҕааччылар, көрөөччүлэр регион социальнай-экономическай, уопсастыбаннай-бэлитиичэскэй кыһалҕаларыгар сыһыаннаах ыйытыктары өрөспүүбүлүкэ баһылыгар биэриэхтэрин сөп.
Экспердэр: холдинг суруналыыстара уонна оройуоннар хаһыаттарын бэрэстэбиитэллэрэ тыҥаан турар биэс тиэмэни талыахтара. Ити талыллыбыттан дьон өрөспүүбүлүкэ баһылыгар туруорар ыйытыгын куоластааһын нөҥүө быһаарыахтара.
Бырагыраама видео биэрсийэтэ СИА порталыгар, матырыйааллар «Якутия» уонна «Саха сирэ» хаһыаттарга бэчээттэнэллэр.
Дьон ыйытыгын хомуйуу бэтинсэҕэ 12.00 чааска түмүктэнэр. Ыйытыгы манна биэриэххэ сөп.
