18 Тохсунньу 18.01
  • -48°
  • $ 73,82
  • 83,32

Бэйэ оҥорон таһаарыыта инники күөҥҥэ тахсыахтаах

18:50, 24 февраля 2016
Текст:

Россия 2020 сылга диэри омук вакциналарын атыылаһартан букатыннаахтык аккаастаныа диэн билгэлииллэр.


«Ростех» судаарыстыбаннай корпорация чахчыларынан, 2020 сылга диэри ыарыыны сэрэтэр быһыы национальнай халандаарын чэрчитинэн омук вакциналарын атыыласпат буолуохпут.

Тоҕо диэтэххэ, бэйэ эмин оҥорон таһаарыы Россияҕа улахан стратегическай суолталаныахтааҕын туһунан эппиттэрэ быданнаата.

Билигин хаан, ВИЧ терапиятын, В уонна С вируснай гепатиттар эмтэрин улахан аҥара омук сириттэн эрэ атыылаһыллар. Ол түмүгэр солкуобай девальцияламмытын кэннэ омук бэйэтэ да сыаналаах эмтэриттэн тутулуктанарбыт быйыл өссө биллиэҕэ дэһэллэр.

Хаһааҥҥыта эрэ сөҕүмэр элбэх эми оҥорорунан биллибит промышленноһы кэнники 30 сыллар тухары омук эмтэрин оҥорон таһаарааччылар үтэйдилэр. Хайа эрэ сатыбылынан тыыннаах хаалбыт уонна рынокка киирбит тэрилтэлэрбит билигин бэйэлэрин кыахтарын модернизациялааһыны уонна научнай базаны саҥардыыны ирдииллэр. Кинилэр омук фармациятын брендин уонна технологиятын туһаныыта суох сайдар кыахтара суох. «Вакциналар, антибиотиктар, искэн ыарыыларын эмтиир препараттар наука уонна технология салааларыгар мэлдьи инники иһэр эмтэринэн буолуохтаахтар», – диэн экспертэр бигэргэтэллэр.

0
0
18 января 18.01
  • -48°
  • $ 73,82
  • 83,32