15 От ыйа 15.07
  • 21°
  • $ 87,74
  • 95,76

Бэйэ оҥоһугун билиһиннэриигэ ыһыах олугу уурда

23:08, 25 июня 2018
Текст:
Читайте нас на
Яндекс Новости
ЯДВ

Туймаада ыһыаҕар бэйэ табаарын оҥорон таһаарыыга үлэлэһиэн сөптөөх дьон баара үгүһэ сөхтөрдө.

edersaas.ru

Кинилэртэн биир оннук киһинэн Петр Петров буолар. Эдэр киһи бастаан утаа тимиринэн, быһах оҥоруутунан дьарыктана сылдьыбыт.

Онтон аны тирии атыылаһан, суумка, булчут бэрэмэдэйин тигэр буолбут.

Эдэр киһи билигин табаара хамаҕатык барар буолан, тирии суумкалары сакааска тигэр. Оттон ордубут матырыйаалынан суоппардарга, булчуттарга харысхал оҥорор эбит.

Миэхэ сөптөөх хайысханы тутуһан, бэйэ табаарын оҥорууга ылсыыһыбын диэн санаанан, аҕыйах хонуктааҕыта бэйэ дьыалатын тэриммитим. Бэйэм оҥоһуктарбын дьоҥҥо билиһиннэрэ аҕаллым. Интэриэһиргииллэр эбит, — диэн кэпсиир урбаанньыт.

Онон мантан инньэ Бүөккэ Бөтүрүөп быыстапкаларга кыттан, бэйэтин табаарын өссө да көрдөрөн иһиэҕэ. Онно олугу Туймаада ыһыаҕа уурда.

 

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа ааптар түһэриитэ.

3

0
Следите за самым важным и интересным в Telegram-канале и WhatsApp-группе ЯСИА