Өрөспүүбүлүкэ ветеринариятын департаменын салайааччыта Василий Бураев бырабыыталыстыба мунньаҕар эппитинэн, бэйдиэ сылдьар дьиэ кыылын ахсаанын билэр туһуттан хаһаайыннаахтары чиптээһин саҕаланыаҕа. Бу миэрэ киһи түөрт атахтаах доҕоругар эппиэтинэһин улаатыннарыаҕа диэн, Саха сирин баһылыгын уонна бырабыыталыстыбатын пресс-сулууспата иһитиннэрдэ.
«Өскөтүн чиптэммит дьиэ кыыла тутулуннаҕына, тута хаһаайына булуллар уонна тэрилтэ бу кыылга көрсүбүт ороскуотун 100 бырыһыан киниэхэ төлөттөрөр кыахтанар», — диэтэ Василий Бураев. Маны сэргэ тустаах департамент өрөспүүбүлүкэ административнай буруйдары оҥорууга Кодексатыгар уларытыылары киллэрэргэ этиилээх. Өскөтүн хаһаайын чиптээһинтэн уонна дьиэтээҕи кыылын, сүөһүтүн суруттарартан аккаастыыр түгэнигэр — ыстарааптаныахтаах.
Василий Бураев «О наделении органов местного самоуправления муниципальных образований Республики Саха (Якутия) отдельными государственными полномочиями по организации проведения мероприятий по предупреждению и ликвидации болезней животных, их лечению, отлову и содержанию безнадзорных животных, защите населения от болезней общих для человека и животных» СӨ Сокуонугар уларытыылары киллэрэр туһунан уурааҕы киллэрдэ.
Манна этиллэринэн, өрөспүүбүлүкэ сокуонун федеральнай сокуон ирдэбиллэригэр сөп түбэһиннэрии наадата ыйыллар. Бырабыыталыстыба чилиэттэрэ докумуоҥҥа уларытыылары киллэриини кытта сөбүлэстилэр.
Уларытыыларга туох этиллэрин сиһилии https://ysia.ru/v-yakutii-dlya-opredeleniya-kolichestva-bezdomnyh-zhivotnyh-budut-chipirovat-domashnih-zhivotnyh/ ааҕыҥ.
This post was published on 28.01.2020 09:33 09:33