22 От ыйа 22.07
  • 23°
  • $ 88,02
  • 96,04

Бэдьимэҕэ "Күөх төлөн" тиийдэ

11:10, 12 сентября 2016
Текст:
Читайте нас на
Яндекс Новости
ЯДВ

Мэҥэ Хаҥалас улууһун Бэдьмэтигэр «Күөх төлөн» тиийбит үөрүүлээх тэрээһинэ буолла. Манна бастакы вице-премьер э.т — Саха сирин баһылыгын уонна бырабыыталыстыбатын салайааччы Юрий Куприянов кыттыыны ылла.


«Нэһилиэк 60 дьиэтигэр быйыл газ киирэр. Тыа сирин олохтоохторугар субсидия көрүллүөҕэ. Сүрүн газопроводтан Бэдьимэҕэ диэри газ ситимэ тардылларыгар федарельнай киин үбэ-харчыта туһанылынна», — диэтэ Юрий Куприянов.

Нэһилиэк, улуус устуоруйаларыгар киирэр бэлиэ күнүнэн кини эҕэрдэлээтэ, газ үлэһиттэригэр махтал тылларын тиэртэ.

Нэһилиэнньэлээх пууннары гаастааһын олох таһымын үрдэтиигэ инники күөҥҥэ тутулларын кини бэлиэтээн эттэ: «Тыа сиригэр олоруу табыгастаах буоларын туһугар үрдүкү салалта кыаллары барытын оҥорор. Тустаах бырагыраамалар, тыа хаһаайыстыбатын уонна табаары оҥорон таһаарыыны сүрүннүүр сокуон үлэлииллэр. Ити барыта тыа сирэ сайдыы олугун уурарыгар, дьон куоракка таласпатын туһугар оҥоһуллар. Аан дойду ирдэбилигэр сөп түбэһэр саҥа оскуолалары тутуохпут, түргэн уонна чэпчэки интернет киириэҕэ».

Юрий Куприянов эппитинэн, быйылгыттан ыла Саха сирин нэһилиэнньэлээх пууннара тупсарыыга анаан 4,5 мөл.солк. ылыахтара. Бырагыраама 3 сыл болдьохтоох.

«Суолу тутуу, тырааныспар тиһигэ, медицинэ кыаллымтыа буолуулара, о.д.а. барыта өрөспүүбүлүкэ, киһи туһугар оҥоһуллар. Гаастааһын үлэтэ Саха сирин бүтүннүүтүн хабыахтаах. Бу күннэргэ Егор Борисов Горнай улууһун Ааһыматыгар гааһы киллэрии үөрүүлээх тэрээһинигэр сылдьыбыта. Онно кини Бэрдьигэстээххэ диэри газ ситимэ тардыллыаҕын туһунан эппитэ. Нэһилиэккэ гааһы киллэрии хас эмэ көлүөнэ баҕа, ыра санаата», – диэтэ Юрий Куприянов.

Следите за самым важным и интересным в Telegram-канале и WhatsApp-группе ЯСИА