Россия силиэстийэлиир кэмитиэтэ, Александр Бастрыкин сорудаҕынан, Саха сиригэр элбэх оҕолоох огдообо ийэ историятынан бэрэбиэркэни саҕалаата. Төрүөт соцситимнэргэ кыра уол ытаан-соҥоон, оҕо дьиэтигэр илдьимэҥ диэн көрдөспүт видеота буолла.
“Россия СК бэрэссэдээтэлэ Бастрыкин А.И. Саха Өрөспүүбүлүкэтин силиэстийэлиир управлениетын салайааччыта Кондратенко В. В. бэрэбиэркэни тэрийэригэр, олохтоммут быһыы-майгы туһунан дакылааты биэрэригэр сорудахтаата», — диэн биэдэмистибэ иһитиннэриитигэр этиллэр.
Дьиэ кэргэҥҥэ бииртэн биир иэдээн буолбут: бастаан ыарахан ыарыыттан дьахтар кэргэнэ өлбүт, онтон СВО-ҕа убайа өлбүт. Огдообо өлбүт кэргэнэ тулаайах быһыытынан ылбыт кыбартыыратыгар нэһилиэстибэ быраабыгар киирбитин кэннэ, опека уорганнарын өттүттэн дьайыыны көрсүбүт.
Урут балаһыанньаны Саха сирин оҕо омбудсмена Туйаара Васильева быһаарбыта. Комментарий уонна резонанснай видеоны манна көр.
This post was published on 28.08.2025 15:24 15:24