«Бастионы Памяти» мемориаллар Калужскай, Смоленскай, Новгородскай, Волгоградскай уонна Псковскай уобаластарга баар буолуохтара. Бу миэстэлэр Аҕа дойду улуу сэриитигэр бойобуой дьайыылары кытта сибээстээхтэр. Манна Саха сирин тыһыынчанан олохтооҕо өлбүттэрэ уонна көмүллүбүттэрэ. Ол туһунан регион салалтатын пресс-сулууспата суруйда.
Бырайыакка бэлэмнэнэн элбэх көрдүүр-чинчийэр үлэ ыытылынна, ол түмүгэр 2263 саха аата билиннэ.
«Бастионы Памяти» — бу пааматынньыктар эрэ буолбатах, бу бырайыагы норуот көҕүлээтэ, сэрии толоонугар охтубуттар сырдык ааттарын үйэтитиигэ анаан. Саха сирин 2263 киһитин аата мемориаллар гранит билиитэлэригэр суруллуохтара», — диэтэ Ил Дархан Айсен Николаев.
This post was published on 30.04.2025 16:01 16:01