«Цифровой Алмаз» пуорум пленарнай мунньаҕар Саха сирин бастакы президенэ Михаил Николаев «Билиигинэн кыайыаҥ!» истипиэндьийэтин кыайыылаахтарыгар бириэмийэлэри туттардылар. ЯСИА суруйарынан, 132 сайаапка киирбититтэн, 8 киһи наҕараадаланна.
Истипиэндьийэ туһунан докумуону Михаил Николаев 2002 сыллаахха бигэргэппитэ. Педагогтар маастарыстыбаларын уонна новаторствоны биһириир, талааннаах оҕолору өйүүр, өрөспүүбүлүкэ инники сайдыытыгар уопсастыбаннас айар күүһүн, кыаҕын уонна дьулуурун көҕүлүүр сыалтан ыллыллыбыта. «Билиигинэн кыайыаҥ! (Знанием победишь!)» – педагог профессионализмын уонна ыччат үрдүк үөрэҕин, интеллектуальнай уонна айар ситиһиитин биһириир истипиэндьийэ буолар.
Быйыл, бастакы президени үйэтитэр сыалтан, Ил Дархан Айсен Николаев ыйааҕынан дьоһун наҕараада Михаил Ефимович Николаев аатын сүктэ.
Хаартыска: Андрей Сорокин ЯСИА
Бириэмийэлэри туттардылар:
- В.П. Ларионов аатынан физико-техническай лицей 11 кылааһын үөрэнээччитигэр Артем Мардиҥҥа;
- Аксения уонна Наталья Посельскаялар ааттарынан балет оскуолатын 2 кууруһун устудьуонугар Алексей Ноговицыҥҥа;
- ХИФУ 5 кууруһун устудьуона Анастасия Оконешниковаҕа;
- В.П. Ларионов аатынан физико-техническай лицей информатика учуутала Юрий Романовка;
- Өрөспүүбүлүкэтээҕи лицей-интернат математика учуутала Илья Кысылбаиковка;
- «Эйгэ» норуот айымньытын дириэктэрэ Клавдия Петроваҕа;
- «Кэнчээри» эстетическай киин дириэктэрэ Василий Парниковка;
- М.Г. Сафронов аатынан научнай-чинчийэр институт дириэктэрэ Михаил Черосовка.
