16 От ыйа 16.07
  • 28°
  • $ 87,81
  • 95,78

«Бастакы киирсии куруук долгутуулаах буолар». Тренер Артур Пахомов Василий Егоров бастакы кыайыытын туһунан

14:58, 16 сентября 2019
Текст:
Читайте нас на
Яндекс Новости
ЯДВ

Судьуйалар быһаарыыларынан, Василий Егоров боксаҕа аан дойду чемпионатыгар бастакы кыайыытын сурунна. Кини эдэр эквадорец Луис Дельгадоны хотто уонна билигин аан дойду Кубогын хаһаайына Биллал Беннаманы кытта киирсэр. Тренер Артур Пахомов Саха сирин боксерын кыаҕын сыаналаата.


«Дебютнай киирсии куруук ыарахан уонна долгутуулаах буолар. Бастакы икки раунду этэҥҥэ аһарбыппыт, түргэнин тэтиминэн. Үһүс эргииргэ эквадорец хотторон эрэрин билэн, кимэн киириитин эппитэ. Василий утары киирсиигэ сөптөөх дьайыылары оҥорбута, комбинационнай боксаны көрдөрдө, биһиги дуоһуйдубут. Уол утарылаһааччытын сабыта баттыахтаах, хаҥас илиитинэн күүскэ үлэлиэхтээҕэ, кылаабынай тренерэ эппитин барытын толордо. Салгыы Биллал Беннаманы кытта күөн көрсөр. Балаҕан ыйын 17 күнүгэр «А» рингэҕэ, — диэн иһитиннэрдэ Россия үтүөлээх тренерэ Артур Пахомов.

Санатар эбит буоллахха, Василий Егоров боксаҕа аан дойду чемпионатыгар бастакы киирсиитигэр эрэллээхтик бастаата.

Следите за самым важным и интересным в Telegram-канале и WhatsApp-группе ЯСИА