Бастакы ханаалга сотору кэминэн Саха сирин туһунан «Жизнь своих» биэриигэ кэпсиэхтэрэ. Бырагыраамаҕа икки телебиэрии ананна.
Бастакыта 2023 сыл ахсынньы 24 күнүгэр, иккиһэ — 2024 сыл тохсунньу 8 күнүгэр тахсыахтара. Ол туһунан туризмы сайыннарыы Агентствота кэпсээтэ.
Санаттахха, устар бөлөх өрөспүүбүлүкэҕэ сэтинньигэ кэлэн үлэлээбитэ. Бастакы ханаал бэрэстэбиитэллэрэ Саха сирин кыһынын көрдөрөр баҕалаахтар. Холобур, кинилэр Бааһынай ырыынагар сылдьыбыттара, Чысхааны кытта көрсүбүттэрэ.
Маны сэргэ биэриигэ мас-рестлинг уонна национальнай музыкальнай инструменнар тустарынан кэпсиэхтэрэ.
This post was published on 15.12.2023 14:01 14:01