Муус устар 9, 10 күннэригэр IV-с төгүлүн «Басхан-2024» өрөспүүбүлүкэтээҕи дьыалабыай оонньууну Саха автономиятын төрүттээччи С.М. Аржаков төрөөбүтэ 125 сылыгар анаан, II-c С.Н. Донской аатынан үөрэх сайдыытын уонна идэ таһымын үрдэтэр институкка дьон киэҥ сэҥээриитин ылан, үрдүк тэрээһиннээхтик ыыттылынна. «Басхан-2024» өрөспүүбүлүкэтээҕи күрэскэ барыта 13 улуустан 15 кыттааччы күөн көрсөн, өйдөрүн-санааларын, киэҥ билиилэрин-көрүүлэрин тургуттулар. Ол курдук, Нам, Сунтаар, Амма, Томпо, Горнай, Кэбээйи, Чурапчы, Муома, Мэҥэ Хаҥалас, Бүлүү, Үөһээ Бүлүү, Анаабыр улуустарыттан уонна Дьокуускай куораттан кыттыыны ыллылар.
Дьоһуннаах тэрээһини көҕүлээччилэринэн уонна сүрүннээччилэринэн буолаллар: Үөһээ Бүлүүтээҕи «Тускул» оҕо айымньытын киинэ уонна Үөһээ Бүлүүтээҕи «Сомоҕо» оҕо уопсастыбаннай хамсааһына, И.Н. Барахов аатынан Саха Өрөспүүбүлүкэтин судаарыстыбаннаһын түмэлэ, Саха Өрөспүүбүлүкэтин оҕолорун уопсастыбаннай холбоһуктарын сойууһа.
Күрэс сыалынан уол оҕону киэҥ эйгэҕэ таһаарыы уонна билиһиннэрии; уол оҕо эр киһи быһыытынан оруолун үрдэтии; дириҥ өйдөөх-санаалаах, киэҥ билиилээх, ырааҕы ыраҥалыыр, дириҥ толкуйдаах; бэйэтин санаатын, тус толкуйун аһаҕастык сайа этэрин ситиһии, төрөөбүт дойдутугар, ийэ сиригэр үтүө сыһыаҥҥа иитии буолар.
Дьыалабыай оонньуу биэс түһүмэҕинэн ыытылынна. Ол курдук, «Удьуор утума», «Дойду салайааччылара мин тус бэйэм көрүүбүнэн», «Өркөн өй» (ыйытыктарга хоруй), «Мөккүөр» уонна «Айыы умсулҕана» (талан ылбыт тиэмэҕэ хоһоону ситэрии). Уолаттар бу биэс түһүмэх тургутууларын этэҥҥэ ааһан, түмүккэ маннык миэстэлэргэ таҕыстылар.
| Муҥутуур кыайыылаах уонна бириистээх миэстэлэр: | ||
| Муҥутуур кылаан кыайыылаах | Степан Кузьмич Макаров аатынан Чурапчы гимназиятын 10 кылааһын үөрэнээччитэ Андрей Степанов | Салайааччылара – Оксана Степановна Данилова, Фекла Николаевна Болдовская |
| I үрдэл кыайыылааҕа | Мэҥэ-Хаҥалас улууһун Иван Михайлович Романов аатынан Төхтүр орто оскуола 8 кылааһын үөрэнээччитэ Алгыс Попов | Салайааччылара – Ольга Николаевна Максимова, Николай Федосеевич Попов |
| II үрдэл кыайыылааҕа | Өрөспүүбүлүкэтээҕи лиссиэй-интэринээт 10 кылааһын үөрэнээччитэ Артем Яковлев | Салайааччыта – Спартак Спартакович Захаров |
| III үрдэл кыайыылааҕа | Кэбээйи улууһун Иван Егорович Левин аатынан Таҥара орто оскуолатын 11 кылааһын үөрэнээччитэ Георгий Готовцев | Салайааччылара – Анна Дмитриевна Кычкина, Маргарита Прокопьевна Баишева |
| Анал ааттар уонна анал бириистэр: | ||
| «Кыайыыга дьулуур» | Анаабыр улууһун Үрүҥ хайа орто оскуолатын 10 кылааһын үөрэнээччитэ Василий Егоров | Салайааччы – Степан Васильевич Васильев |
| «Киэҥ көрүүлээх басхан» | Дьокуускай куорат Өрөспүүбүлүкэтээҕи лиссиэй-интэринээт 11 кылааһын үөрэнээччитэ Анатолий Николашкин | Салайааччыта – Айина Гаврильевна Филиппова |
| «Иэйэр куттаах басхан» | Бүлүү улууһун Евдокия Александровна Степанова аатынан Тоҕус уопсай үөрэхтээһин орто оскуолатын 9 кылааһын үөрэнээччитэ Иннокентий Боронов | Салайааччылара – Мария Ивановна Унарова, Сардана Прокопьевна Боронова |
| «Хомоҕой тыл басхана» | Сунтаар улууһун Сунтаардааҕы политехнический лиссиэй-интэринээт 9 кылааһын үөрэнээччитэ Айаан Горохов | Салайааччы – Тускулаана Васильевна Горохова-Кобельянова |
| «Сайдам санаа басхана» | Нам улууһун Модут орто оскуолатын 10 кылааһын үөрэнээччитэ Петр Осипов | Салайааччыта – Александра Николаевна Осипова |
| «Удьуор утуму салгыыр басхан» | Горнай улууһун Семен Данилов аатынан Бэрдьигэстээх орто оскуолатын 10 кылааһын үөрэнээччитэ Дьулус Андреев | Салайааччыта – Руслан Рустамович Семенов |
| «Өркөн өй басхана» | Кэбээйи улууһун Иван Егорович Левин аатынан Таҥара орто оскуолатын 11 кылааһын үөрэнээччитэ Георгий Готовцев | Салайааччылара – Анна Дмитриевна Кычкина, Маргарита Прокопьевна Баишева |
| «Ылыннарыылаах тыл басхана» | Үөһээ Бүлүү улууһун Дмитрий Спиридонович Спиридонов аатынан орто оскуола 10 кылааһын үөрэнээччитэ Олег Андреев | Салайааччылара – Тамара Афанасьевна Данилова, Егор Борисович Борисов |
| «Кэрэхсэбиллээх кыттааччы» | Муома улууһун Муома орто оскуолатын 9 кылааһын үөрэнээччитэ Мирослав Терешкин
|
Салайааччылара – Татьяна Ивановна Данилова, Саргылана Евгеньевна Винокурова |
| «Тобуллаҕас толкуй» | Амма улууhун Леонид Васильевич Киренскай аатынан Амматааҕы лиссиэй 11 кылааhын үөрэнээччитэ Артём Марков | Салайааччылара – Наталия Константиновна Рязанская, Розалия Николаевна Павлова |
| «Уран тыл басхана» | Үөһээ Бүлүү улууһун Петр Николаевич Тобуруокап аатынан орто оскуола 11 кылааһын үөрэнээччитэ Илья Саввинов | Салайааччылара – Юлия Дмитрьевна Протодьяконова, Василий Никифорович Петров |
| «Кэскиллээх кыттааччы» | Томпо улууһун Егор Петрович Неймохов аатынан Мэҥэ Алдан орто оскуолатын 9 кылааһын үөрэнээччитэ Альберт Егоров | Салайаччылара – Татьяна Егоровна Ордахова, Виктория Владимировна Бурцева |
| «Эркээйи эрэлэ» | Кэбээйи улууһун Иван Егорович Левин аатынан Таҥара орто оскуолатын 11 кылааһын үөрэнээччитэ Георгий Готовцев | |
| «Эркээйи сирдьитэ» | Кэбээйи улууһун Иван Егорович Левин аатынан Таҥара орто оскуолатын 11 кылааһын үөрэнээччитэ Георгий Готовцев салайааччыта Анна Дмитриевна Кычкина | |
Тэрийээччилэр Саха Өрөспүүбүлүкэтин оҕолорун уопсастыбаннай холбоһуктарын сойууһун бэрэссэдээтэлигэр Геннадий Иванович Охлопковка, Үөһээ Бүлүүтээҕи И.Н.Барахов аатынан судаарыстыбаннай түмэл научнай үлэһитигэр Евдокия Павловна Семеноваҕа, Үөһээ Бүлүүтээҕи оҕо бибилэтиэкэтин сүрүн бибилэтиэкэригэр Майя Федоровна Захароваҕа, 11 сыл бэриниилээхтик дьүүллүүр сүбэ бэрэссэдээтэлинэн үлэлиир Алексей Васильевич Руфовка уонна түһүмэх аайы уларыйа сылдьар эспиэрдэргэ, II-с С.Н. Донской аатынан үөрэх сайдыытын уонна идэ таһымын үрдэтэр институт кэлэктиибигэр, Саха Өрөспүүбүлүкэтин үөрэҕин уонна наукатын министиэристибэтигэр уонна Саха Өрөспүүбүлүкэтин ыччат дьыалатын уонна социальнай коммуникацияларга министиэристибэтигэр улахан махталларын тиэрдэллэр.
«Басхан» дьыалабыай оонньуу сайдыы суолун тутан, Сахабыт сирин уолаттарын түмэр киэҥ түһүлгэтэ кэнчээри ыччакка кэскиллээҕи түстээтин, үтүөнү ыраҥалаатын. Сахабыт сирин инники эрэллэригэр, басхан уолаттарбытыгар салгыы ситиһиини баҕарабыт!
Тэрээһин туһунан толору билиһиннэрэр сюжеты бу сигэнэн киирэн көрүҥ: https://youtu.be/_KBXC-ZR5F8?si=WhgWKZ6LxRMzN3qr
Ааптар: Саргылана Ильина, Үөһээ Бүлүүтээҕи «Сомоҕо» оҕо уопсастыбаннай хамсааһынын мэтэдьииһэ, «Басхан» дьыалабыай оонньуу ааптара уонна сүрүн тэрийээччитэ
This post was published on 16.04.2024 17:03 17:03