Нам улууһун Партизан орто оскуолатыгар Ленинград блокадатын 80 сылыгар 5-11-с кылаастарга аналлаах тэрээһин буолла. Дойдубут историятын хайаан да билиэхтээхпит, диэн суруйда Полина Скрябина, @gazetaensieli
Музей уонна библиотека сэбиэдиссэйдэрэ Сардаана Харысхал уонна Снежана Шарапова Ленинград блокадата 900 күн буолбутун кэпсээбиттэрин үөрэнээччилэр болҕойон иһиттилэр.
Оҕолор билиилэрин-көрүүлэрин викторинаҕа, истиэнэ хаһыатын көмүскээн тургуттулар.
Бастакы миэстэни 8-с кылаастар, иккиһи 7-с, үсүһү 6-тар ыллылар.
Халлаан сылыйан уһуйаан оҕолоро музейга, библиотекаҕа экскурсиялара
саҕаланна. 4-с кылаастарга «Свеча памяти» буолла, салайааччы Анна Мордосова. 5-с кылаастар 125 гр блокада килиэбин оҥорон көрдүлэр, салайааччы Айталина Петрова.
Оскуола оҕолоругар наһаа үчүгэй тэрээһин буолан ааста. Өйдүүбүт, сүгүрүйэбит, саныыбыт!
