“БАРҔАРЫЫ" сахалыы тылынан кэмпириэнсийэ түмүктэннэ

Бу күн Өрөспүүбүлүкэтээҕи «Күн» оҕо түмсүүтүн тэрээһиниттэн саҕаланна. Ааспыт сыл бүтүүтэ төрүттэммит оҕо түмсүүтэ бүгүн киэҥ эйгэҕэ сүрэхтэннэ.

Учууталларга, уһуйааччыларга саха тылын сайыннарар соруктаах маастар — кылаастар, лиэксийэлэр ыытылыннылар. 

Оҕолорго сүрүн тэрээһини таһынан саха тылын, литературатын уонна култууратын көҕүлүүр көрсүһүүлэр, маастар-кылаастар тэрилиннилэр. 

Кэмпириэнсийэ кыттыылаахтара, чинчийэр үлэлэрин сүнньүнэн, билим үлэһиттэриттэн сүбэ-ама ыллылар. 

Бу күн оҕо-ыччат түмсүүлэрэ, төрүт тылы көҕүлүүр общественнай тэрилтэлэр, суруналыыстар, билим үлэһиттэрэ уо.д.а саха тылын инникитин салайсар дьон муһуннулар.

Ийэ тылынан ыытыллыбыт кэмпириэнсийэ түмүгэ таҕыста. Кыайыылаахтар үс үрдэлинэн дипломнарынан наҕараадаланнылар👏

Ийэ тылбыт инникилээх буоллун, сахабыт тыла барҕара сайыннын, @chokhoon