Реестрга баар аҕыйах ахсааннаах төрүт омуктар 2022 сылга сайаапката суох балыктыахтарын сөп буолуо. Бу туһунан Росрыболовство салайааччыта Илья Шестаков Салехардка ыытыллыбыт Уһук Илин, Сибиир уонна хоту дойду аҕыйах ахсааннаах төрүт омуктарын II Форумун аһыллыытыгар иһитиннэрдэ.
Тэрээһиҥҥэ дойду араас муннуктарыттан 300-тэн тахса аҕыйах ахсааннаах төрүт омуктар бэрэстэбиитэллэрэ – аҕа баһылыктар, уопсастыбаннай тэрээһиннэр, ыччат бөлөхтөрүн салайааччылара, учуонайдар, экспертар кыттыыны ыллылар.
«Аҕыйах ахсааннаах төрүт омуктарга балыктааһын сүрүн дьарык буолар. Ол иһин Росрыболовство судаарыстыбаннай бэрээдэктээһиҥҥэ болҕомто уурар», — диэтэ салайааччы Илья Шестаков.
Илья Шестаков Росрыболовство олохтоох омуктар харгыһа суох балыктыылларыгар ыкса үлэлэһэрин эттэ.
Аҕыйах ахсааннаах төрүт омуктар реестрдара 2022 сыл олунньу 7 күнүгэр олоххо киирэр. Докумуон олохтоохтор сайаапката суох балыктыылларын көҥүллүүр.
This post was published on 07.04.2021 15:01 15:01