Быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин олохтоммут ыстараапка тэҥнэһэр, суруйда Саха сирэ саайт.
Федеральнай сокуонунан быраабыланы кэһии көстөр түгэнигэр маннык ыстарааптар көрүллэллэр:
- гражданнарга – 60 тыһ. солк. диэри;
- дуоһунастаах дьоҥҥо – 300 тыһ. солк. диэри;
- юридическай сирэйдэргэ – 600 тыһ. солк. диэри.
Табаарга испииһэги РФ Бырабыыталыстыбата бигэргэтиэҕэ. Билигин сабаҕаланарынан, бу испииһэккэ сокуоннай саастарын ситэ илик оҕолор доруобуйаларыгар кутталы үөскэтиэхтэрин сөптөөх зажигалкалар, аэрозоллар уонна гаас баллоннара киириэхтэрэ.
Санатан эттэххэ, бу сыл атырдьах ыйын 1 күнүттэн 14-тэн 18-гар диэри саастаах сокуоннай саастарын ситэ илик оҕолорго өссө биир хааччахтааһын олоххо киирдэ. Билигин кинилэр сокуонунан бэрэстэбиитэллэрин суругунан сөбүлэҥнээх эрэ буоллахтарына, баан счетун астарар уонна каарта ылар кыахтаналлар.
This post was published on 01.09.2025 12:03 12:03