29 Кулун тутар 29.03
  • -12°
  • $ 92,26
  • 99,71

Балаҕан ыйын 22 - 23 күннэригэр хоту улуустарга инчэҕэй хаар түһүөҕэ

17:35, 21 сентября 2021
Текст:
Читайте нас на
Яндекс Новости
ЯДВ

Күнү-дьылы кэтээн көрөөччүлэр иһитиннэрэллэринэн, нэдиэлэ ортотугар, балаҕан ыйын 22 уонна 23 күннэригэр, хотугу оройуоннарга инчэҕэй хаар түһэрэ күүтүллэр, тыалырыаҕа. Бу туһунан күнү-дьылы кэтээн көрөр ыстаансыйа иһитиннэрэр, суруйда «Саха» НКиК.

Ол курдук, сэрэдэҕэ уонна чэппиэргэ хоту эҥэр сөҥүү түһүөҕэ. Арҕаа сорох сиринэн ардыаҕа, киин, соҕуруу уонна илиҥҥи оройуоннарга сөҥүү түһэрэ күүтүллүбэт.

Арҕаа уонна хоту сөкүүндэҕэ 8-13 миэтэрэ түргэннээх тыалырыаҕа.

Түүнүн салгын температурата -2, -7 кыраадыска тиийэ түһүөҕэ, хотугулуу-илин -12, -17 кыраадыс, арҕаа — икки-сэттэ кыраадыс сылаас. Күнүһүн киин оройуоннарга 13-18 кыраадыс сылаас, соҕуруу 15-20, арҕаа, хотугулуу-илин 8-13, хоту -3, -7, өрүс тардыытынан -2, -3 кыраадыска тэҥнэһиэҕэ.

Дьокуускайга кэлэр сууккаҕа, балаҕан ыйын 21 күнүгэр, сөҥүү түһэрэ күүтүллүбэт, сөкүүндэҕэ биэс миэтэрэҕэ диэри түргэннээх тыал үрүөҕэ, түүнүн салгын температурата -2, -4 кыраадыс, күнүһүн — 11-13.

Следите за самым важным и интересным в Telegram-канале и WhatsApp-группе ЯСИА