Саҥа үөрэх дьылыттан сиэп төлөпүөнүн үөрэнэр даҕаны соруктаах туһанар бобулларын туһунан Судаарыстыбаннай Дуума үөрэҕириигэ кэмитиэтин бастакы бэрэссэдээтэлэ Яна Лантратова иһитиннэрбит.
Былырыын ахсынньыга Судаарыстыбаннай Дуума оскуолаларга төлөпүөнү туһанары хааччахтыыр туһунан сокуону ылыммыта. Оҕо олоҕор уонна доруобуйатыгар кутталы үөскэтэр ыксаллаах түгэннэртэн ураты оскуолаҕа уруок кэмигэр сиэп төлөпүөнүн туһанар сокуонунан бобуллар.
Үгүс төрөппүттэр сиэп төлөпүөнэ оҕолору буортулуурун, харахтарын мөлтөтөрүн, уруоктан аралдьытар диэн санаалаахтарын ыйар.
This post was published on 12.08.2024 17:36 17:36