Саха сиригэр анал байыаннай дьайыы кыттыылааҕын 177 дьиэ кэргэнэ олорор дьиэлэригэр гаас киирдэ. Дьарыктаах буолуу киинигэр үлэ көрдөөн 673 киһи сырытта, кинилэртэн 155-һэ идэҕэ үөрэннэ. Ол туһунан вице-премьер Георгий Степанов эттэ.
«2025 сылтан өрөспүүбүлүкэҕэ саҥа өйөбүл киирэр, СВО-ҕа өлбүт эбэтэр бойобуой сорудаҕы толоро сылдьан эчэйии ылан инбэлиит буолбут байыастар кэргэттэрэ суоппар быраабын ылыыларыгар ороскуоттара компенсацияланыаҕа», — диэтэ Георгий Степанов.
СВО кыттыылаахтарыгар медицина көмөтө уочарата суох бэрээдэгинэн оҥоһуллар. Байыаннай сулууспалаахтар уонна кинилэр дьиэ кэргэттэрэ ханнык көмөнү ылалларын ЯСИА инфографикатыгар көрүҥ.
This post was published on 24.02.2025 15:18 15:18