Дьааҥы улууһун Баатаҕай нэһилиэгэр терапия, суһал көмө уонна оҕо салаалардаах, биир симиэнэҕэ 180-ҥа тиийэ киһини көрөр, улахан балыыһа комплексын тутуутун түмүктээн эрэллэр. 3000 квадратнай миэтэрэ иэннээх икки этээстээх таас дьиэни балаҕан ыйын 30 күнүгэр диэри киллэрэр былааннаахтар. Бу туһунан “Вести Верхоянья” хаһыат суруйар.
Прораб Вячеслав Константинов кэпсииринэн тутууга олохтоохтор, Дьокуускай куораттан итиэннэ 20 Таджикистан дьоно үлэлииллэр. Үлэ тэтимнээхтик, өрөбүлэ суох сарсыардаттан киэһээҥҥэ диэри барар. Хоту дойду дьонугар сүдү суолталаах эбийиэк болдьоммут кэмигэр киирэригэр үлэлэһэллэр.
This post was published on 04.09.2020 18:03 18:03