25 От ыйа 25.07
  • 30°
  • $ 86,55
  • 94,38

Бүтүн Арассыыйатааҕы I Арктическай оонньууларга саха хамаандата ситиһиилээхтик кыттан саҕалаата

16:01, 01 апреля 2022
Читайте нас на
Яндекс Новости
ЯДВ

Сибиир федеральнай уокуругун хайыһарга күрэхтэһиитин боруонса призердара Блинова Дарья, Хромова Виктория, Корякин Никита, Федоров Илья Саха Өрөспүүбүлүкэтин сүүмэрдэммит хамаандатын састаабыгар «хайыһардьыттар күрэхтэһиилэрэ» I Бүтүн Арассыыйатааҕы Арктическай оонньууларга кыттыахтара, диэн Sportyakutia.ru  иһитиннэрдэ.

Кулун тутар 30 күнүттэн муус устар 4 күнүгэр диэри хайыһар спордун олимпийскай резервэтин спортсменнара Салехард куоракка тус күрэхтэһиигэ, масс-стартаҕа, булкаас эстафетаҕа күрэхтэһиэхтэрэ.

Кривогорницина Валерия, Егорова Валентина, Федоров Илья, Нестерев Николай муус устар 14-18 күннэригэр Лабытынги куоракка биатлоҥҥа кыттыахтара.  Николай Шеломов тренердаах хамаанда бэйэтин сприҥҥэ, индивидуальнай гонкаҕа уонна эстафетаҕа көрдөрүөҕэ.

Бэҕэһээ, күрэхтэһии бастакы күнүгэр хайыһар спордугар өрөспүүбүлүкэтээҕи спортивнай оскуола спортсмена Илья Федоров Бүтүн Арассыыйатааҕы Арктическай оонньуулар кыайыылаахтарын пьедесталыгар таҕыста. Саха хайыһардьыта үрүҥ көмүс мэтээли ылла. Ити хамаандаттан Никита Корякин алтыс түмүктээх кэлэн сибэкки дьөрбөтүгэр тигистэ.

Саха хайыһардьыттарын хамаандаларыгар үчүгэй саҕалааһын.

Следите за самым важным и интересным в Telegram-канале и WhatsApp-группе ЯСИА