Өлөөн эбэҥки национальнай оройуонугар быыбардыыр учаастактарга Бүтүн Арассыыйатааҕы куоластааһын сарсыарда 8 чаастан саҕаланна. Улууска уопсайа 2283 быыбардааччы баар.
Нэһилиэктэргэ уонна улуус киинигэр Өлөөҥҥө үлэлиир быыбардыыр учаастактааҕы хамыыһыйалар дьон доруобуйатын харыстыыр сыалтан санитарнай-эпидемиологическай ирдэбиллэри тутуһан үлэлииллэр. Ол курдук, куоластыыр учаастактарга киириигэ температураны кээмэйдииллэр, антисептигынан дезинфенкциялыыллар. Ону тэҥэ хас биирдии куоластааччыга биирдэ туттуллар мааска, бэрчээккэ уонна уруучука бэриллэр, социальнай дистанция тутуһуллара хонтуруолланар.
Өлөөн улууһугар испиэһэккэ киирбит уопсайа 2283 быыбардааччы баар. Бүгүн күнүс 12 чаастааҕы туругунан улуус үрдүнэн 1896 быыбардааччы куоластаата, эбэтэр быыбардыыр бырааптаах 83,05 бырыһыана.
Нэһилиэнньэлээх пууннарынан ылан көрөр буоллахха, Ээйиккэ куоластааһын — 88,63 % тиийдэ, Дьэлиҥдэҕэ – 85,26 %, Харыйалааахха – 84,06 % уонна улуус киинигэр — 81,14 %.
This post was published on 01.07.2020 15:03 15:03