Муома оройуонун Сааһыыр сэлиэнньэтигэр хайа хапчааныгар түспүт бөртөлүөт пилота баар сиригэр көрдөөччүлэр тиийдилэр. СИА-ҕа “Полярные авиалинии” хампаанньаттан иһитиннэрбиттэринэн, эмсэҕэлээбит киһи тыыннаах.
Хампаанньа пресс-сэкирэтээрэ Станислав Платонов этэринэн, быыһыыр суудуна хамандыыра иһитиннэрбитинэн, бөртөлүөт пилота тыыннаах.
Көрдөөһүҥҥэ 39 киһи, 7 тиэхиньикэ, ол иһигэр Арассыыйа ЫБММ тус састаабын 14 үлэһитэ уонна 1 салгын суудуната кытыннылар.
This post was published on 03.10.2018 12:13 12:13