Бүлүү улууһун 34 быыбардыыр учаастактааҕы хамыыһыйа кулун тутар 6 күнүттэн эппиэттээх үлэлэрин саҕалаатылар. Хамыыһыйалар сүрүн соруктарын толорууга – РФ Конституциятынан көрүллэр гражданнар быыбардыыр бырааптарын хааччыйыыга бэлэмнэр.
Хамыыһыйалар билигин туох үлэни ыыталларын билсэ, биһиги Бүлүү куоратыгар Н.И.Протопопова аатынан «Кэскил» оҕо интеллектуальнай-айар киинин дьиэтигэр үлэлиир 140 №-дээх учаастактааҕы быыбар хамыыһыйатыгар сырыттыбыт.
Манна өр сылларга быыбар ситимигэр үлэлиир, учаастактааҕы быыбардыыр хамыыһыйалар биир уопуттаах, билиилээх салайааччыларыттан биирдэстэрэ, Клавдия Иванова бэрэссэдээтэлинэн үлэлиир. Кини учаастак РФ президенин быыбарын ыытарга учаастак бэлэмин эттэ, суруйар @oloxsuola
This post was published on 11.03.2024 12:01 12:01