Бүлүү куоратын «Набережная «Поющие пески»» бырайыактара MosBuild Architecture & Design Awards кыайыылааҕынан буолла. Бу олус суолталаах түмүк.
Ил Дархан Айсен Николаев МАХ-ханаалга экспертэр бэлиэтээһиннэрин суруйбутунан, Саха сиригэр аныгылыы бэйэ архитектурата оҥоһуллар — дьон ылынар, тус уратылаах, миэстэтигэр сыһыаннаах. «Бу сөптөөх сыанабыл. Биһиэхэ саҥа көрүүлээх, олохсуйан олорор сиргэ, историяҕа уонна дьоҥҥо ытыктабыллаах сыһыаннаах бырайыактар бааллар. «Ыллыыр кумахтары» аан дойду үрдүнэн киирбит 79 сайаапка ортотуттан таба көрдүлэр. Бырайыак Urban 18-с Москватааҕы бириэмийэ шорт-лииһигэр эмиэ киирдэ. Онон салгыы өссө суолталаах хардыы күүтэр», — диэтэ кини.
Бырайыак ааптардара Иван Кычкин, Саргылаана Сергеева, Дайаана Данилова, итиэннэ «Градо студия» устуудьуйа.
