Остуол оонньууларыгар – хабылыкка, хаамыскаҕа саҥа олохтоммут бырабыыланан Саха сирин бастакы маастара, ааһан эрэр сылга остуол оонньуутугар элбэх ситиһиилээх Андрей Захаров «Сахаада-спорт» ассоциация 2023 сыллааҕы спортивнай лауреатынан ааттанна.
Бүлүү улууһугар саха национальнай спордун көрүҥнэрэ сайдалларыгар тус кылаатын киллэрэр Гаврил Евсеев «Сахаада-спорт» ассоциация 2023 сылга лауреатынан — «Бастыҥ тэрийээччинэн» ааттанна.
Ахсынньы 16 күнүгэр Чурапчыга остуол национальнай оонньууларыгар — хабылыкка уонна хаамыскаҕа Саха сиригэр хамаанданан бастыыр иһин Федерация Кубога тэрилиннэ. Тыҥааһыыннаах оонньууларга Бүлүү улууһун хамаандата бочуоттаах иккис миэстэни ылла, чемпионунан Мэҥэ-Хаҥалас хамаандата буолла, үһүс миэстэҕэ күүстээх Дьокуускай хамаандата таҕыста.
Николай Куприянов, Олох суола хаһыат
This post was published on 20.12.2023 15:27 15:27