12 От ыйа 12.07
  • 25°
  • $ 87,99
  • 95,68

Бүлүүлүүр суолга дьон тохтоон олохсуйа сылдьыбыт былыргы дьоҕус оройуону историктар буллулар

Читайте нас на
Яндекс Новости
ЯДВ

Бүлүүлүүр суол 44 км былыргы дьон тохтоон олохсуйбут Айыы-Тайбыт сиригэр ааспыт ый ортото эбии экспедиция тэриллэн үлэлээтэ. Экспедицияны ХИФУ археологияҕа уонна этнографияҕа музейа тэрийдэ.


Музей үлэһитэ Николай Кирьянов этэринэн, археологическай комплекс алтыс пааматынньыгын быыһаабыттар. «Алтыс Айыы-Тайбыкка быыһыыр-харыстыыр үлэни ыыттыбыт. Бүлүүлүүр суол 44 км үлэлээбит суол оҥорооччулар маны эрдэ алдьаппыттар этэ. Онно дуогабар түһэрсэн, көмүскээтибит. Бу сиргэ көстүбүтү үөрэтэ-ырыта сылдьабыт», – диир кини. Археологическай үлэҕэ историческэй факультет устудьуоннара кыттыбыттар.

Учуонай этэринэн, алтыс Айыы-Тайбыт бастакыга, иккискэ, үһүскэ, төрдүскэ уонна бэһискэ майгынныыр. Итилэри чинчийбит учуонайдар эрдэ эппиттэринэн, бу сыалай археологическай дьоҕус оройуон буолуон сөп. «Көстүбүт дааннайдар ону билиҥҥитэ утарбаттар», – диэн Николай Кирьянов бэлиэтиир.

Айыы-Тайбыт VI матырыйааллара неолит эпохатын араас кэмнээҕин туһунан урукку өттүгэр этэ сылдьыбыттара. Чинчийии салҕанан барар.

Следите за самым важным и интересным в Telegram-канале и WhatsApp-группе ЯСИА