Бэҕэһээ Бүлүү куоратыгар И.М. Гоголев–Кындыл аатынан оройуон киин библиотека иккис эбийиэгин — Ыччат библиотекатын арыйдылар. Бу туһунан улуус дьаһалтатын дьыалатын салайааччы Клара Гаврильева СИА-ҕа кэпсээтэ.
Ыччат библиотекатын арыйыы улуустарга бастакы буолар. Муниципалитет салайааччыта Сергей Винокуров көҕүлээһининэн бырайыак олоххо киирдэ.
Саҥа эбийиэк аныгылыы дизайннаах. Уопсай иэнэ 100-тэн тахса кв.м. Иккис этээһигэр ыччат сынньанар сирэ баар, онно остуол оонньуулара тардыллыбыттар. Компьютернай зоналаах. Таһырдьа сайыҥҥы беседкалаах.
«Саҥа библиотека ыччат сайдыытыгар, айар-тутар үлэтигэр, өй-толкуй тобулларыгар олус наадалаах киининэн буолуоҕа«, — диэн эттэ Клара Гаврильева.
This post was published on 26.05.2022 09:01 09:01