Бүлүү куорат муниципальнай тэрээһинигэр 2021 сыл “Экологияҕа көҕүлээһин уонна куораты көҕөрдүү сыла” биллэрилиннэ. Оробуочай хамыыһыйа үлэтин саҕалаата, былаан ылылынна.
“Экологияҕа көҕүлээһин уонна куораты көҕөрдүү сыла” ыытылларын Бүлүү улууһунааҕы экология комитетын үлэһиттэрэ өйөөтүлэр. Бүлүү куорат баһылыга Ньургустан Афанасьев Дьокуускайга командировкатын кэмигэр СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин кытта бииргэ үлэлээһин сөбүлэҥин түһэрсэргэ этии киллэрдэ.
Миниистири бастакы солбуйааччы Семен Яковлев бүлүүлэр дьаһалларын биһириирин уонна бииргэ үлэлииргэ бэлэмнэрин биллэрдэ.
Олунньу ый 18 күнүгэр бииргэ үлэлэһии сөбулэҥин бырайыага СӨ экологияҕа, айылҕаны туһаныыга уонна ойуур хаһаайыстыбатын миниистирэ Сахамин Афанасьев аатыгар барда, диэн Бүлүү куорат МТ дьаһалтата социальнай ситимнэргэ суруйда.
