Орто Халыма улууһугар нэһилиэнньэ дьарыктаах буолуу Киинэ 25 сылын бэлиэтээтэ. 4 үлэһиттээх кыра тэрилтэ бэлиэ күннэрин бэлиэтии таарыйа тэрилтэ салайааччыларыгар уонна каадыр сулууспатын үлэһиттэригэр семинар ыытта.
Семинар үлэни биэрээччи уонна нэһилиэнньэ Дьарыктаах буолуу киинэ бииргэ алтыһан үлэлээһиннэрин үрдэтэр сыаллаах буолла.
Улуус баһылыгын социальнай боппуруостарга солбуйааччы С.А.Третьякова дьаһалта аатыттан Киин үлэһиттэрин эґэрдэлээн туран махтал суруктары туттарда уонна олохтоох ааптардар кинигэлэрин бэлэх уунна.
Нэһилиэнньэ дьарыктаах буолуутун Киинин салайааччыта Галина Михайлова 2015 сыллааҕы үлэ түмүгүн кылгастык билиһиннэрдэ. Ол курдук, сыл устата 453 киһи үлэни көрдөөбүт, сыл түмүгэр 209 киһи үлэтэ суоґунан ааҕыллыбыт, 66 киһи бастайааннай үлэґэ киирбит, 159 киһи быстах кэмнээх үлэҕэ үлэлээбит.
Семинарга улуус дьаһалтатын баһылыга Светлана Третьякова, улуус прокурорун солбуйааччыта Наталья Худалшеева, I категориялаах инспектор Аркадий Бубякин үлэлэрин кэпсээтилэр, сүбэ-ама биэрдилэр.
Нэһилиэнньэ дьарыктаах буолуу Киинин үлэһиттэрэ семинар кыттыылаахтарын кытта үбүлүөйдэрин бииргэ бэлиэтээн, минньигэс тордунан күндүлээтилэр.
This post was published on 06.04.2016 10:27 10:27