Кэбээйи спортсмена Алексей Уваровскай Бүлүү улууһугар ыытыллыбыт Выбор Быкалыров аатыгар хапсаҕайга бастыыр иһин өрөспүүбүлүкэтээҕи турнирга «А» категорияҕа муҥутуур кыайыылаах буолла. Бэйэтиттэн ыарахан ыйааһыннаах титуллаах бөҕөстөр баалларын үрдүнэн, кини чаҕылхайдык өрөгөйдөөтө, суруйар ЯСИА.
Турнирга барыта 120 эр киһи уонна уол кыттыыны ылла. Улахаттарга ааттаах-суоллаах спортсменнар бааллар. Кыһыл көмүс мэтээллэри бары ыйааһыҥҥа бүлүүлэр уонна үөһээ бүлүүлэр ылбыттарын бэлиэтиир тоҕоостоох. Ол курдук көбүөр хаһаайыттара Федор Харлампьев (57 кг), Дмитрий Винокуров (65 кг), Юрий Сергин (85 кг) уонна Николай Николаев (95 кг үөһэ) бастыҥ мэтээллэри иилиннилэр. Үөһээ бүлүүлэр Семен Тимофеев (75 кг) уонна Платон Саввинов (95 кг) ыйааһыннарыгар күннээтилэр.
Муҥутуур кыайыылааҕы быһаарсыыга бу турнир хас да төгүллээх кыайыылааҕа Николай Николаевы Сунтаар улууһуттан Айсен Килибеев саба тутта. Бүлүү бөҕөһө атахха киирбитин, Килибеев көбүөргэ бырахта. Оттон финалга Сунтаар спортсменын Дыгын оонньууларын кыайыылааҕа Кэбээйиттэн Алексей Уваровскай чаҕылхай хамсаныылары оҥорон, суулларда.
Выбор Быкалыров турнирын кыайыылаахтара уонна призердара:
- 57 кг: 1 — Федор Харлампьев (Бүлүү), 2 — Александр Егоров (Үөһээ Бүлүү), 3 — Валерий Антонов (Ньурба);
- 65 кг: 1 — Дмитрий Винокуров (Бүлүү), 2 — Петр Алексеев (Бүлүү), 3 — Сергей Александров (Бүлүү);
- 75 кг: 1 — Семен Тимофеев (Үөһээ Бүлүү), 2 — Владислав Левчиков (Кэбээйи), 3 — Константин Левчиков (Кэбээйи);
- 85 кг: 1 — Юрий Сергин (Бүлүү), 2 — Алексей Уваровскай (Кэбээйи), 3 — Евгений Николаев (Сунтаар);
- 95 кг: 1 — Платон Саввинов (Үөһээ Бүлүү), 2 — Павел Николаев (Кэбээйи), 3 — Ариан Гоголев (Нам);
- 95 кг үөһэ: 1 — Николай Николаев (Бүлүү), 2 — Степан Тобонов (Ньурба), 3 — Дмитрий Нехоруков (Ньурба).
This post was published on 27.01.2025 12:03 12:03